Svæðisskrifstofan starfar samkvæmt lögum um málefni fatlaðra nr. 59/1992. Þar sem markmið lagana er að tryggja fötluðum jafnrétti og sambærileg lífskjör við aðra þjóðfélagsþegna og skapa þeim skilyrði til þess að lifa eðlilegu lífi. Svæðisskrifstofan hefur gert þetta með því að veita sem einstaklingsmiðaða þjónustu og sníða hana að þörfum hvers og eins.

Skrifstofan starfar í umboði félagsmálaráðuneytisins og er ábyrg gagnvart því í verkum sínum. Öll hlutverk og verkefni eru síðan tilgreind í lögum og reglugerðum. Félagsmálaráðherra fer með yfirstjórn málefna fatlaðra og eru Svæðisráð og Stjórnarnefnd ráðgefandi nefndir fyrir svæðisskrifstofu.

Markmið Svæðisskrifstofunar hefur verið að veita fólki með fötlun þjónustu í sinni heimabyggð þannig að fólk þurfi ekki að flytja í burtu vegna fötlunar sinnar. Einnig að veita foreldrum barna með fötlun skilyrði á við aðrar fjölskyldur eins og kostur er, með því að veita stuðningsfjölskyldur og skammtímavistunarúrræði. Svæðisskrifstofan annast einnig víðtæka upplýsingamiðlun og ráðfjöf til fólks með fötlun og aðstandenda þeirra.

Starfsemi Svæðisskrifstofu Vestfjarða nær yfir allt Vestfjarðarkjördæmi. Þar eru fjórar sýslur og 11 sveitarfélög. Íbúafjöldi 1. desember 2004 var 7.698.
Svæðinu er skipt niður í fjögur þjónustusvæði (eftir sýslum). Á hverju þjónustusvæði er síðan starfrækt ákveðin grunnstarfsemi sem fer þó eftir þörf og aðstæðum hverju sinni.

Framkvæmdarstjóri er Sóley Guðmundsdóttir

Netfang er framkv@svest.is