Svæðisskrifstofa málefna fatlaðra á Vestfjörðum opnaði nú nýverið nýja starfstöð að Hlíðarvegi á Ísafirði. Starfstöðin samanstendur af 5 þjónustuíbúðum og í kjallara er síðan íbúð með starfsmannaaðstöðu. Þjónustan sem starfsmaður á Hlíðarvegi veitir er að aðstoða íbúa við innkaup, maseld ásamt innliti. Þjónustuþegum er einnig boðið upp á það að fara í heimsókn í starfsmannaaðstöðuna fá sér kaffi og spjalla eða þeir geta fengið starfsmann í heimsókn í sína eigin íbúð ef þeir óska þess.