Mjög mikil áhersla er lögð á að starfsmenn eigi kost á sí- og endurmenntun með það að markmiði að viðhalda og bæta við þá þekkingu og hæfni sem þeir búa yfir. Í boði er ákveðin endurmenntunaráætlun og síðan eru starfsmenn hvattir til að fylgjast með tilboðum af námsefni sem í boði er á vegum Fræðslumiðstöðvar. Starfsmenn eru hvattir til að sýna frumkvæði í þessum efnum og reynt er eftir fremsta megni að hliðra til í störfum þeirra til að þeir eigi kost á að sækja námskeið og fleira sem í boði er.

Á hverju hausti er gerð könnun meðal starfsmanna um sí- og endurmenntun og á þeirri niðurstöðu er endurmenntunaráætlun starfsársins byggð.

Mikil áhersla er lögð á að virkja þátttöku starfsmanna í eigin starfsþróun. Þeir eru hvattir til að hafa frumkvæði að eigin starfsþróun innan stofnunarinnar. Allir starfsmenn sem eru fastráðnir og hafa starfað í 8-12 mánuði eða lengur hjá stofnuninni, eiga rétt á starfsmannasamtölum. Þau fara fram í október og nóvember ár hvert.