Myndasafn

Hér eru nokkrar myndir frá Kaffilyst/list á Ísafirði

Hér eru myndir fá kaffihúsinu Kaffilist/lyst, eins og sjá má á myndunum var fullt út að dyrum hvern einasta dag og kátt á hjalla alla daga

Stína bauð til kaffisamsætis 28 mars í tilefni af 50 ára afmæli 24 mars, það var mikið sungið og mikið gaman.

Í tilefni þess að geðræktarmiðstöðin Vesturafl er flutt í nýtt húsnæði á Ísafirði var opið hús hjá Vesturafliþann 6. mars 2009. Þar gafst fólki kostur á að skoða húsakynnin og kynna sér starfsemina. Um þessar mundir eru einnig tvö ár síðan Vesturafl tók formlega til starfa og nú í febrúar var stofnuð sjálfseignarstofnun um reksturinn. „Þannig að ljóst er að tilefnin eru næg og fannst þeim því kærkomið að bjóða bæjarbúum að njóta þessara tímamóta með sér.

Lífshlaupið er fræðslu- og hvatningarverkefni ÍSÍ sem höfðar til allra aldurshópa. Landsmenn eru hvattir til þess að huga að sinni daglegri hreyfingu og auka hana eins og kostur er þ.e. í frítíma, heimilisverkum, vinnu, skóla og við val á ferðamáta. Lýðheilsustöð gaf út í fyrsta skipti árið 2008 ítarlegar ráðleggingar um hreyfingu. Börnum og unglingum er ráðlagt að hreyfa sig í minnst 60 mínútur á dag og fullorðnum í minnst 30 mínútur á dag Mikil þátttaka var í lífshlaupinu innan SVEST og voru bæði veitt verðlaun fyrir flestar mínútur og síðan fyrir bestu liðsheildina

11 september 2008 var súpa í hádeginu í sveitinni hjá Bessu

Dagana 3-5 nóvember 2008 fór 8 starfsmenn þjónustuíbúða Sindragötu í kynnisferð um norðurland vestra. Sveitafélögin á norðurlandi vestra reka byggðarsamlag um þjónustu við fólk með fötlun en það eru sveitafélögin á svæðinu sem sjá um þjónustuna. Heimsótt var sambýli á Hvamstanga og margskonar þjónusta á Sauðárkróki. Þetta voru frábærir dagar bæði til fróðleiks og skemmtunar.

Þau námskeið sem í boði voru á haustönn: Listnámskeið, kennari Sigríður Magnúsdóttir Matreiðsla og heimilishald I, kennari var Elín Ólafsdóttir. Dansnámskeið, kennari Eva Friðþjófsdóttir danskennari Tölvunám I kennari Haukur Vagnsson

Það er orðin hefð hjá Hjalta og Mugipapa að fara um Ísafjarðabæ í hin ýmsu fyrirtæki og stofnanir og syngja inn jólin.

Bleikur dagur var hjá Svæðisskrifstofu málefna fatlaðra á Vestfjörðum þann 29. október 2008, en hann er haldinn til að vekja athygli á árlegu árveknisátaki um brjóstakrabbamein. Starfsmenn SVest klæddust allir bleiku í tilefni dagsins og skreyttu skrifstofuna með bleikum borðum og slaufum, en tákn árveknisátaksins er einmitt bleik slaufa. Þá var fólki boðið í kaffi þar sem veitingarnar voru með bleiku ívafi. Árveknisátakinu var hrint var af stað í byrjun október víða um heim níunda árið í röð að frumkvæði Estée Lauder. Markmið átaksins er að fræða konur um brjóstakrabbamein og safna fé með sölu á bleiku slaufunni til styrktar baráttunni við brjóstakrabba, svo sem með kaupum á tækjum og rannsóknum á sjúkdómnum.

Nemendur og kennarar á leikskólnum Sólborg færðu þeim sem starfa í Stjórnsýsluhúsinu fallega jólagjöf. Krakkarnir komu og sungu falleg jólalög fyrir starfsmenn.

Þann 12. desember síðast liðinn útskrifuðust 7 konur í starfsnámi stuðningsfulltrúa-grunnnám. Námskeiðið var á vegum Fræðsluseturins starfsmennt í samstarfi við Fræðslumiðstöð Vestfjarða. Starfsfólk Svæðisskrifstofu óskar þeim innilega til hamingju með áfangann.

Þann 12. október tóku starfsmenn SVEST þátt í fyrirtækjamóti í boccia. SVEST mætti með nokkur lið til leiks en það voru: Hvesta skrifstofa Skammtímavistun sindragata Frekari liðveisla

Árshátíð Svæðisskrifstofunnar var haldin þann 10. október 2008. Þema árshátíðarinnar var ABBA.

Starfsmannafélag SVEST ákvað að efna til Vigurferðar þann 11. júní 2008. Farið var með Sjóferðum Hafsteins og Kiddýjar. Keppni var um frumlegustu kríuvörnina og veitt voru verðlaun fyrir 1,2, og 3 sætið. Svæðisskrifstofa skálaði við starfsmenn fyrir velunnin störf og að vera í 11. sæti í könnun SFR yfir stofnun ársins.

Starfsdagar voru í febrúar hjá Svest. Settu starfsstöðvar niður markmið og vinnuáætlun fyrir árið 2008. Því miður láðist að taka myndir af öllum starfsstöðvum.

Starfsmenn Svæðisskrifstofu komu saman laugardaginn 8. desember 2007 og föndruðu hróskassa til þess að hafa á einingunum. Vel var mætt í Hvestu og vel vandað til verks.

Fimmtudaginn 15. nóvember 2007 var Hvesta með götumarkað á ganginum í Edinborgarhúsinu. Fjölmargir lögðu leið sína þanngað og versluð framleiðsluvörur starfsfólks. Hvesta var með kerti og úti-öskubakka á boðstólnum. Fleiri voru með söluvarning og má þar nefna málverk, póstkort, lyklakippur o.fl.

Í sumar bauð Svæðisskrifstofa upp á kaffi og kökur fyrir gesti og gangandi. Allir voru velkomnir að mæta og kveðja Laufeyju sem hafð starfað sem framkvæmdarstjóri í 16 ár.

Þjónustuþegar og starfsfólk frekari liðveislu fóru í bátsferð til Grunnavíkur þar sem Sigurrós og Friðrik tóku vel á móti þeim.

Þann 7 október hélt íþróttafélagið Ívar hið árlega fyrirtækjamót í boccia. Eins og þeim er von og vísa þá var mótið hið veglegasta. Einn liður í mótinu er búningakeppni og má sjá á myndunum hér á eftir nokkra þeirra.

Starfsmannafélag Svæðisskrifstofunnar hélt fjölskylduhátíð þann 9 júní 2007 í Holti í Önundarfirði. Starfsmenn mættu með fjölskylduna. Það var mikið fjör og góður matur. Fólk skemmti sér vel í blíðskapar veðri.

Edinborgarhúsið var opnað við hátíðlega athöfn um síðast liðna helgi. Starfsmenn hæfingarstöðvarinnar Hvestu voru með sýningu á verkum sínum

Sjö konur luku stuðningsfulltrúanámi á Vestfjörðum hjá Fræðslumiðstöð Vestfjarða sl. föstudag. Útskriftarhópurinn á Ísafirði. Talið frá vinstri Sigríður Júlíana Kristinsdóttir, Rannveig Hestnes, Pálína Jóhanna Jensdóttir, María Guðrún Halldórsdóttir og Gerða Helga Pétursdóttir. Á myndina vantar Halldóru Bryndísi Skúladóttur og Ólöfu Helgadóttur frá Patreksfirði.

Guðrún Agnes, Elva, Kristín, Kristjana og Ria

Þann 15. desbember 2006 útskrifðust 6 starfsmenn Svæðisskrifstofu málefna fatlaðra á Vestfjörðum´í grunnnámi stuðningsfulltrúa. Það voru tvær stúlkur sem útskrifuðst á Patreksfirði og fjórar hér á Ísafirði. Námið fór fram í gegnum fjarfundarbúnað á vegum Fræðslumiðstöðvar Vestfjarða.